Ek lamha

Ek lamha – dastak de raha tha
sehma sa, ghabraya sa – ek lamha.
Jaise maut ka saaya uske paas khada ho;
Mere darwaze pe khada, woh lamha
dasktak de raha tha!

pukaar raha tha jaise apna ne ke liye –
lamha jo keh raha tha, ke woh mera hai!
main jo uljha raha mere kaam mein
mein jo bandha raha auron ke shikhanje mein!
keh raha tha woh lamha, ke woh mera hai!

kitne lamhe aake chale gaye!
kuch laut gaye, kuch lautaaye gaye
mein tha madhosh – mein aur mere uljhan
ek lamha aur sahi – ek pal ki zindagi aur sahi
saalon ki amaavas mein, ek raat aur sahi!

Ab ek sannata sa hai har taraf
Na koi dastak deta lamha, na koi uljhan
Saare shikhanje toot ke bhikre pade hain;
Darwaaze pe mere lamhe ke saath –
Meri zindagi ki bhi laash padi hai.